Gjergji Vurmo: Korrupsioni ka mbërritur deri te diktimi i ligjeve nga privati

Kapja e shtetit nuk është një legjendë urbane, por diçka që ndodh në Shqipëri, tha në emisionin “Barometri” Gjergji Vurmo nga Instituti për Demokraci dhe Ndërmjetësim.

Gjergji Vurmo tha se sipas tij, ka sektorë që janë tërësisht të kapur nga shteti, siç është sektori i ndërtimit të rrugëve.

“Nëse e shihni, nuk ka asnjë kompani të huaj e cila vjen në Shqipëri. Do të vinin me vrap, por fakti që nuk vijnë do të thotë se kjo fushë është e kapur, ku kompanitë i ndajnë fondet mes tyre dhe atyre që i kontraktojnë”, u shpreh z. Vurmo.

Z. Vurmo tha se korrupsioni në vend ka mbërritur deri në atë pikë sa kompanitë private përcaktojnë ligjet sipas interesave të tyre dhe qeveria i miraton.

“Interesant e tyre mbrohen me ligj dhe për të arritur deri këtu është e nevojshme që të korruptosh një proces aq të rëndësishëm vendimmarrës sa është miratimi i ligjeve nga pushteti legjislativ”, u shpreh z. Vurmo.

LEXONI GJITHASHTU:

• Eksperti Shella: Në Shqipëri të jesh i pakurruptuar është përjashtim nga rregulli
• Kikia për perceptimin e korrupsionit: Qeveria duhet të përballet me këtë problem
• Perceptimi i lartë për korrupsionin në qeverisje nxit debat mes gazetares dhe ekspertit
• Dimitris Mavros: Basha pati frikë ta kthente korrupsionin temë të fushatës