Gjici merr mandatin e dytë në Kukës: Votuan punën, ja projektet që do nisin

Safet Gjici është rikonfirmuar në mandatin e dytë si kryebashkiak i Kukësit. Partia Socialiste triumfoi sërish duke i dhënë kandidatit të saj edhe një 4-vjeçar në pushtet.

Në një intervistë për Euronews Albania, ai u shpreh se e priste këtë rezultat sepse që në mandatin e parë kanë punuar dhe kanë dhënë provat për të fituar besimin e qytetarëve.

“Kuksianët kanë votuar punën dhe presin më shumë për ta zhvilluar Kukësin më shumë në çdo cep të territorit të vet. Dy projektet që do të nisim menjëherë punën janë dy projekte që gjatë gjithë kohës së fushatës i kam premtuar njësive kryesore të Kukësit, duke filluar me rrugën e Topojanit dhe rrugën që lidh tre njësitë administrative,” – u shpreh Gjici.

Gjici fitoi me 9.519 vota, pasuar nga Admir Sinamati i koalicionit “Bashkë Fitojmë” me 8.151 vota dhe në fund ishte Abedin Oruçi nga Partia për Europianizimin dhe Integrimin e Shqipërisë me 1.798 vota.

Për të ndjekur rezultatin në kohë reale klikoni këtu.

LEXONI GJITHASHTU:

• Numërohet gjysma e qendrave të votimit në Kukës, ja kush kryeson
• Rezultatet paraprake të zgjedhjeve, në Kukës kryeson Gjici, në Has Dauti