Gjirokastër| Transportoi ilegalisht 16 emigrantë në kufi, arrestohet 32-vjeçari

Policia e Gjirokastrës ka finalizuar operacionin policor të koduar “Wanted 1”, për kapjen e një shtetasi të shpallur në kërkim. Ky i fundit, 32 vjeç, u arrestua gjatë një aksioni të realizuar në fshatin Luzat, Tepelenë.

Shtetasi me iniciale K. Q., banues në Luzat, ishte shpallur në kërkim pas një vendimi të Gjykatës së Shkallës së Parë të Gjirokastrës, e cila i kishte caktuar masën e sigurisë “Arrest në burg” për veprën penale “Ndihma për kalim të paligjshëm të kufijve”. Ai akuzohet se në datën 10 mars 2022, në bashkëpunim me dy shtetas të tjerë, transportoi ilegalisht me furgon 16 emigrantë nga Vendet e Treta, të cilët synonin të kalonin kufirin përmes rrugëve të paligjshme.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

LEXONI GJITHASHTU:

• Trafik droge me postë nga Tajlanda, arrestohet 25-vjeçari në Shqipëri
• Në kërkim si anëtar i një grupi kriminal në Itali, arrestohet në Tiranë 24-vjeçari