Gjirokastër| Vrasja e Faik Ajdinit, Gjykata jep masat e sigurisë për babë e bir

Gjykata e Gjirokastrës ka dhënë sot masat e sigurisë për babë e bir, Skënder dhe Bledar Ajdini, të akuzuar si të përfshirë në vrasjen e shtetasit Faik Ajdini në fshatin Zhapokikë të Bashkisë Memaliaj.

Gjykata ka vendosur masën ‘arrest me burg’ për Skënder Ajdinin dhe “detyrim paraqitjeje” për të birin, Bledar Ajdini.

Ndërkohë që i arrestuar për ngjarjen, si autori kryesor i vrasjes, është edhe 23-vjeçari Berti Kanushi, i cili dyshohet të jetë shtyrë për kryerjen e kësaj vepre nga çifti i bashkëshortëve Skënder Ajdini dhe Darovi Ajdini.

Njoftimi i Gjykatës:

Gjykata e Shkallës së Parë e Juridiksionit të Përgjithshëm Gjirokastër sot në datë 24.08.2024, ora 14.30, vlerësoi kërkesën e Prokurorisë Gjirokastër me objekt vleftësim arresti dhe caktim mase sigurimi personal për personat nën hetim: S.A. dhe B.A.

Prokuroria Gjirokastër, kërkoi:

1. Vlerësimin si të ligjshëm të arrestimit të shtetasit, S.A i dyshuar për kryerjen e veprave penale të “Vrasjes me paramendim” e kryer në bashkëpunim, “Sigurimi i kushteve dhe i mjeteve materiale për të kryer vrasje” dhe “Përkrahja e autorit të krimit të parashikuara nga nenet 78/1-25,80 dhe 302 të Kodit Penal.
2. Caktimin ndaj tij të masës së sigurisë “Arrest me burg” p;arashikuar nga neni 238 i Kodit të Proçedurës Penale.
3. Vleresimin si të ligjshëm të arrestimit të shtetasit, B.A i dyshuar për kryerjen e veprës penale “Përkrahje e autorit të krimit”, parashikuar nga neni 302 i Kodit Penal.
4. Caktimin ndaj tij të masës së sigurisë “Detyrimi për t’u paraqitur në policinë gjyqësore” parashikuar nmga neni 234 i Kodit të Proçedurës Penale.

Gjykata e Shkallës së Parë e Juridiksionit të Përgjithshëm Gjirokastër, në përfundim të seancës vendosi:

5. Vlerësimin e ligjshëm të arrestimit të shtetasit, Skënder Ajdinii dyshuar për kryerjen e veprave penale të “Vrasjes me paramendim” e kryer në bashkëpunim, “Sigurimi i kushteve dhe i mjetev materiale për të kryer vrasje” dhe “Përkrahja e autorit të krimit të parashikuara nga nene 78/1-25,80 dhe 302 të Kodit Penal.
6. Caktimi ndaj tij të masës së sigurisë “Arrest me burg” parashikuar nga neni 238 i Kodit Proçedurës Penale.
7. Vleresimin e ligjshëm të arrestimit të shtetasit, Bledar Ajdini i dyshuar për kryerjen e veprës pena “Përkrahje e autorit të krimit”, parashikuar nga neni 302 i Kodit Penal.
8. Caktoi ndaj tij masën e sigurisë “Detyrimi për t’u paraqitur në policinë gjyqëso parashikuar nmga neni 234 i Kodit të Proçedurës Penale.

Gjykata e Shkallës së Parë e Juridiksionit të Përgjithshëm Gjirokastër

LEXONI GJITHASHTU:

• VIDEO| Kush është 23-vjeçari që vrau Faik Ajdinin, dalin pamjet e arrestimit të tij
• Historia afron turistët në Gjirokastër, të huajt interes për ndërtimet e vjetra