Gjirokastra e kalldrëmeve/ Rrugët e zonës historike vishen me qylymat e gurtë

Rrugët e shtruara me kalldrëm, me gur të skalitur janë një prej simbolikave të qytetit të Gjirokastrës. Zhvillimi i turizmit dhe rritja e interesit për vlerat e traditës po rrikthen vëmendjen për shtrimin me qylimat e gurtë,  të rrugëve dhe rrugicave, kryesisht në zonën historike. Mjeshtrat gurskalitës shprehen se zanati i punimit të kalldrëmeve është trashëguar në breza në qytetin e gurtë

“Shikonim ustallarët e vjetër dhe kënaqeshim që ata bënin sepse kalldrëmi është një gjë shumë e bukur për të bërë, është e vështirë shumë por është shumë e bukur, por më mbrapa dhe tani që jemi në këtë moshë, tani e ndjejmë më shumë bërjen e kalldrëmit sepse duke hyrë në gjak dhe duke bërë më mirë kalldrëmin dhe ndihemi vetë të kënaqur me këtë punë”-tha Adriatik Sulejmani, mjeshtër i gurskalitës.

” Kur mbarojmë punën ndiejmë kënaqësinë tonë dhe ne, po nuk u kënaqëm ne nuk kënaqen dhe njerëzit që kalojnë, që shikojnë, ka shumë njerëz që vijnë shikojnë : si e punojnë këta kalldrëmin megjithatë tani ka mjete më të mira se çfarë ka patur në ato kohëra, qoftë për skalitje, qoftë për transport, qoftë për çdo gjë,  dhe sekreti i kësaj pune është vetëm koha që duhet të jetë e thatë, sa më e thatë koha aq më i fortë bëhet kalldrëmi, sepse siç i themi ne që gozhda e gurit është rëra”-Zylfo Mahmutaj, mjeshtër i gurskalitës.

Tashmë vlera të tilla të traditës së punimit të gurit po tërheqin jo vetëm vëmendjen e banorëve por edhe interesimin e turistëve, të cilët vlerësojnë punën e mjeshtrave duarartë

“Turistë vijnë dhe na shikojnë, bëjnë foto ” 0.44-0.46″Këtu që jemi te lagjia ” Varosh”, vijnë dhe shikojnë, rinë dhe gjysëm orë, mos dhe më shumë na shikojnë dhe thonë fjalët më të mira që u kthye ky zanat”- shtoi Sulejmani.

“Turistët na kanë vlerësuar, na kanë fotografuar shumë nga çdo shtet dhe ngelen disi të çuditur bile disa italiane kur punonim në Pazar na thanë që pse nuk i prisni me sharrë , i thamë që sharra ka plot por nuk bëhet kalldrëmi me sharrë duam natyralen, duam origjinalen”- theksoi Mahmutaj.

Punimi tradicional i gurit për ndërtimin e shtëpive dhe shtrimin e rrugëve karakteristike është një prej veçantive të qytetit të Gjirokastrës, pjesë e Trashëgimisë Kulturore Botërore të UNESCO-s.

LEXONI GJITHASHTU: 

• Plani i BE për rritje ekonomike mbledh liderët e Ballkanit në Shkup
• Përdhunonte të miturën që kur ishte 8-vjeçe, prangoset 56-vjeçari shqiptar në Greqi