Gjirokastra nderon 111-vjetorin e ngritjes të flamurit të Pavarësisë

Në Gjirokastër janë zhvilluar ditën e sotme një sërë aktivitetesh në nderim të 4 Dhjetorit 1912, datë kur patriotët gjirokastritë shpalosën flamurin e Pavarësisë mbi muret e gurta të kalasë shekullore. Bashkia Gjirokastër organizoi në mjediset e kalasë ceremoninë e ngritjes së flamurit kombëtar. Të pranishmit revokuan kontributin e patriotëve gjirokastritë në shërbim të çështjes kombëtare dhe prosperitetit të vendit.

“Në këtë vend jo vetem të bukur por në këtë vend ku është shkruar historia , historia jo vetëm e Jugut por e gjithë Shqipërisë, rilindasit, patriotët gjirokastritë Hasan Xhiku po jo vetëm me gjithë shokët e tij, burrat, patriotë të kësaj treve ngritën flamurin, flamurin e Pavarësisë, atë flamur që Ismail Qemali e çoi në Vlorë në 28 Nëntor”, u shpreh Flamur Golemi, kryetar i Bashkisë Gjirokastër.

Homazhe u zhvilluan edhe në shtatoren e patriotit Hasan Xhiku. Përgjatë muajit Nëntor në Gjirokastër u organizuan aktivitete të shumta artistike dhe kulturore, të cilat do të vazhdojnë edhe në atmosferën e festave të fundvitit.

LEXONI GJITHASHTU:

• “Dua të garoj për Shqipërinë, i pakënaqur nga Kosova”-sportisti që vrapoi 28 orë
• Krerët më të lartë të shtetit homazhe për Ditën e Çlirimit te varrezat e dëshmorëve