GJK kërkon fond shtesë për mbrojtjen nga zjarri: Nëse na bie ne, ju bie dhe juve

Në Komisionin e Ligjeve, Sekretari i Përgjithshëm i Gjykatës Kushtetuese ka kërkuar një shtesë buxheti prej 2 milionë lekësh për përmirësimin e sistemit të mbrojtjes nga zjarri, një kërkesë që, siç tha ai, përsëritet për të tretin vit radhazi.

Ai theksoi se godina e Gjykatës është e amortizuar dhe sistemi aktual ka nevojë për ndërhyrje urgjente. Me tone ironike, ai shtoi:

“Nëse bie zjarri te ne, bie edhe tek ju”, duke nënvizuar afërsinë fizike të institucioneve dhe rrezikun potencial.

Sekretari kërkoi më shumë bashkëpunim nga Ministria e Financave, duke argumentuar se ulja e buxhetit nuk është në dinjitetin e institucionit më të lartë kushtetues. Ai theksoi se kërkesat për shtesa lidhen jo vetëm me mbrojtjen nga zjarri, por edhe me sigurinë kibernetike dhe rritjen e ngarkesës së punës, për shkak të shtimit të një drejtorie të re me 5 punonjës.

“Po flasim për zërin e investimeve dhe për situatën e krijuar, si dhe për sigurinë kibernetike, ku kemi kërkuar shtesa në lidhje me serverin e instaluar. Kërkesa për 2 milionë lekë për mbrojtjen nga zjarri është minimale, por jetike”, – u shpreh ai.

Kjo është hera e tretë që Gjykata Kushtetuese përsërit të njëjtën kërkesë, duke e konsideruar çështjen si urgjencë infrastrukturore.

LEXONI GJITHASHTU:

• Kushtetuesja pranon kërkesën e Metës për shqyrtimin e vendimeve mbi masën e arrestit
• Berisha: Po na privohet e drejta e saj kushtetuese për të kontrolluar ekzekutivin