GJKKO dënon me burgim të përjetshëm Laert Haxhiun

Gjykata e Posaçme ka dënuar me burg për jetë Laert Haxhiun. Ai u shpall fajtor për ngjarjen e ndodhur në Lushnjë në tetor të vitit 2017, ku mbetën të vrarë Jurgen Hoxha e Zamir Latifi dhe u plagosën dy të tjerë.

Sipas SPAK shënjestër e këtij atentati ishte nipi i Aldo Bares, Xhulio Shkurti që i shpetoi plumbave. Më herët për të njëjtën ngjerje janë dënuar me burg për jetë edhe Anterio Kaloshi e Orges Bilbili, dy bashkëpunetorët e ngushtë të Haxhiut.

Ky i fundit mbahet i arrestuar në Greqi prej rreth një viti. Nga ana tjetër autoritetet shqiptare kane kërkuar ekstradimin e Haxhiut që rezulton i përfshirë edhe në ngjarje të tjera kriminale. Ai është dënuar me 19 vite burg nga gjykata e Lushnjës për një tjetër atentat ku u plagosën disa persona dhe sërish objektivi i sulmit ishte Xhulio Shkurti.

Po kështu, emri i Laert Haxhiut doli nga dëshmia e Artan Tafanit, që tregoi se grupi i Haxhiut ka organizuar disa vrasje dhe disa ngjarje të rënda kriminale që kanë ndodhur në Tiranë, Durrës, Elbasan dhe Korçë.

LEXONI GJITHASHTU:

• Lirohet nga qelia partnerja e Laert Haxhiut, autorit të masakrës së Lushnjës
• Pretenca për Laert Haxhiun, gjykata rrëzon kërkesën e avokatëve për pamjet filmike