GJKKO rrëzon kërkesën e Berishës për përjashtimin e gjyqtares Gjoka

Gjyqtarja Flora Hajredinaj ka rrëzuar kërkesën e Sali Berishës për përjashtimin e gjyqtares Irena Gjoka.

Gjykata ka caktuar avokatët kryesisht Rabie Cenalia dhe Jalldiz Kastrati për procesin ndaj Berishës.

Kujtojmë se pas largimit të dy avokatëve të Berishës nga gjyqi të martën, gjykata vendosi të caktonte dy avokatë kryesisht.

Fillimisht Gjykata e Posaçme caktoi avokatin Artan Simoni, ndërkohë që pak orë më vonë ai u hoq për shkak të qëndrimeve kundër ish-kryeministrit Berisha në rrjete sociale.

Avokatët Genc Gjokutauj dhe Sokol Mëngjesi braktisën seancën e të martës nën argumentat se gjykata shkeli kushtetutën dhe ligjin. Sipas Gjokutaj, GJKKO rrëzoi paligjshmërisht kërkesën e tyre për dërgimin në Gjykatën Kushtetuese të shqyrtimit të masës së sigurisë pa kaluar nga parlamenti.

Ish-kryeministri është person nën hetim nga GJKKO për korrupsion pasiv, pasi përmes akteve ligjore ka favorizuar dhëndrin për privatizimin e ish-kompleksit sportiv “Partizani”.

Ndaj Berishës janë vendosur masat e sigurisë “detyrim paraqitjeje” dhe “ndalim i daljes jashtë shtetit” për akuzën “korrupsion pasiv”.

LEXONI GJITHASHTU:

• “Jo vetëm Berisha”, gazetari zbulon emrin: Ky politikan i lartë mund të arrestohet
• “Berisha duhet të paraqitet para drejtësisë”, Zeka: SPAK nuk njeh kompromise