GJKKO vendos që dëshmia e Dumanit të bëhet pa mediat, avokatët braktisin sallën

Procesi gjyqësor i njohur si “Plumbi i Artë” ka rinisur këtë të martë në Gjykatën e Posaçme kundër Korrupsionit dhe Krimit të Organizuar mes debatesh të ashpra lidhur me dëshminë e bashkëpunëtorit të drejtësisë, Nuredin Dumani.

Prokurorja e SPAK, Doloreza Musabelliu, kërkoi që dëshmia e Dumanit të zhvillohet me dyer të mbyllura, duke argumentuar se ajo përmban informacione konfidenciale dhe mund të dëmtojë imazhin publik të procesit.

Ndonëse pati kundërshti nga avokatët e mbrojtjes dhe nga vetë i pandehuri, të cilët kërkuan praninë e mediave GJKKO ka pranuar kërkesën e prokurores së SPAK.

Ky vendim ka bërë që në shenje revolte për nxjerrjen e mediave nga salla të largohen të gjithë të pandehurit dhe avokatët e tyre.

LEXONI GJITHASHTU:

• Procesi “Plumbi i Artë”, debate për dëshminë e Dumanit: SPAK kërkon seancë pa media
• Kosova ekstradon në SHBA një të dyshuar për vrasje në Bronks më 2006