Gjuha e ashpër e presidentit serb, Maliqi: Vuçiç bëhet dramatik kur ndihet i dobët

Në Samitin e BE-së me vendet e Ballkanit Perëndimor në Tiranë, që ndodh për herë të parë, pjesë e takimit të 6 dhjetorit nuk do të jetë presidenti i Serbisë, Aleksandër Vuçiç.

Analisti Agon Maliqi në një intervistë për Euronews Albania,  thotë se Vuçiç bëhet dramatik kur ndihet i dobët.

Ndër të tjera analisti qëndrimin e Vuçiç e konsideroi përpjekje për të penguar vazhdimin e dialogut.

“Mendoj se ajo që po shohim është një përshkallëzim i retorikës, jo vetëm për Kurtin. Vuçiç iu rikthye dje një gjuhe të tillë, ku dhe paralajmëroi bojkotimin e Samitit të Tiranës. Janë 4-5 hapa përshkallëzues që janë në  vijim me trendin e Vuçiç që bëhet dramatik kur ndihet i dobët.

Është një përpjekje e Vuçiç për të penguar vazhdimin e dialogut në një moment që ai po futet në moment më serioz”- tha Maliqi.

Ndër të tjera ai theksoi: Reagimi i Vuçiç vjen nga frika e humbjes së kontrollit dhe një provokim që po dalin zëra të tjerë që nuk pajtohen me këndvështrimet e tij.

LEXONI GJITHASHTU: 

• “Kurti terrorist”, Tabaku: Vuçiç prishi çdo lloj ekuilibri, gjuhë komuniste
• Basha reagon ndaj Vuçiç: Gjuha e urrejtjes ndaj Kurtit është e papranueshme