Gjuha shqipe nën kërcënim, Rama: Lëndë në të gjitha nivelet e arsimit

“Është koha për të diskutuar futjen e gjuhës shqipe në çdo nivel të arsimimit”.

Kjo ishte deklarata e kryeministrit Rama në Kongresin Kombëtar të Arsimit ndërsa theksoi se gjuha shqipe është e kërcënuar të humbë.

Sipas tij, përpjekja për gjuhën duhet të jetë përpjekje e gjithëanshme. Abetarja e përbashkët është një lajm i mirë edhe për bashkëpunimin mes vendeve, përveç faktit që fëmijët do kenë mundësi të mësojnë shqip kudo ku flitet gjuha jonë amtare.

“Ne do të bëjmë çmos që të shtrihet edhe në vendet e tjera (Abetarja),  jo vetëm në Shqipëri dhe në Kosovë. Maqedonia e Veriut e ka aprovuar tanimë në parim futjen e saj në të gjitha klasat ku fëmijët e popullit shqiptar të Maqedonisë së Veriut mësojnë gjuhën shqipe, po ashtu kemi filluar të diskutojmë me Malin e Zi, me Serbinë për gjithë shqiptarët e Luginës së Preshevës e më tutje,” – u shpreh Rama.

LEXONI GJITHASHTU:

• Gjuha shqipe për herë të parë në Harvard