Gjurmët e Arbërisë dhe sakrificat e shqiptarëve për t’i ruajtur

Zemra e atdheut rreh kudo ku flitet shqip, ku trashëgohen brezash traditat, ku mbrohet me fanatizëm kultura, ku luftohet për të mos u fashitur historia dhe ku mbahen gjallë të gjitha vlerat identitare.

Shembulli më i mirë për këtë janë arbëreshët e Italisë apo arbërorët, ata që shekujsh kanë mundur të përçojnë amanet pas amaneti dashurinë për mëmëdheun, Shqipërinë.

Mallin për këtë të fundit e kemi lexuar nëpër libra, e kemi dëgjuar nëpër këngë, e kemi hasur nëpër filma, por sot do ta ndjekim të korrnizuar në një dokumentar ku stacioni është Piana degli Albanesi.

Gazetarja Ilnisa Agolli ka udhëtuar drejt shtetit fqinj përtej detit ku ka zbuluar kujtime të vjetra, rrëfime njerëzore dhe histori malli të atyre që nuk harrojnë kurrë se prej nga vijnë andaj edhe mbeten të sigurt se ku shkojnë.

Më poshtë, si çdo të dielë “Downtown” sjell dokumentarin e radhës dedikuar arbëreshëve të Italisë, pas dy rrugëtimeve në Palermo dhe Heidelberg.

Video e plotë: Me ARBËRESHËT, shqiptarët e vjetër në Italinë e jugut – Downtown nga Ilnisa Agolli