Gjykata e Korçës ka lënë në burg shtetasin Spartak Çela, i cili u kap nga policia dy ditë më parë pas 4 viteve arrati.
Gjykata caktoi këtë të martë masën e sigurisë arrest me burg për këtë shtetas mbi të cilin rëndojnë akuzat: “Vrasja me dashje e mbetur në tentativë,” “Vjedhje me armë,” “Prodhim, shitje dhe mbajtje pa leje e armëve, armëve shpërthyese dhe municioneve luftarake,” dhe “Kundërshtim i punonjësit të policisë”.
Spartak Çela rreth 39 vjeç, në vitin 2020 qëlloi me kallashnikov drejt disa personave në një lokal në Velçan të Mokërs.
Çela doli sërish në skenë më 26 prill të vitit 2024 kur kërcënoi punonjësit e taskforcës së ndihmës ekonomike po në Mokër dhe arriti të fshije sërish.
Kujtojmë se për 4 vite me rradhë që nga ngjarja e parë kur ai shtiu me armë drejt 5 personave në lokalin e fshatit, kishte mundur të fshihej shumë mirë ndaj policisë, në malsinë e Mokrës.
LEXONI GJITHASHTU:
- Kaloi katër vite në arrati, arrestohet i shumëkërkuari Spartak Çela (Foto)
- Korçë| Plagosi me kaçavidë vëllanë pas konfliktit për pronat, arrestohet 45-vjeçari
