Gjykata Evropiane për të Drejtat e Njeriut në Strasburg ka shpallur si të ligjshëm përgjimin e bisedave nga aplikacioni EncroChat, i cili është përdorur kryesisht nga individë të përfshirë në aktivitete kriminale.

Kur Gjykata Kushtetuese në Shqipëri nuk ka caktuar ende një datë për të shqyrtuar çështjen SkyEcc prej nga ku SPAK finalizoi  dosjen Metamorfoza, Strasburgu është shprehur për një kazus  të ngjashëm mbasi u vu në lëvizje nga dy shtetas britanikë të arrestuar në Mbretërinë e Bashkuar.

Pas këtij vendimi, personat e përfshirë në krim po hasin vështirësi, pasi në shumë vende janë ndërmarrë aksione ndërkombëtare bazuar në bisedat e zbërthyera nga Enchro dhe Sky ECC.

Ky vendim pritet të ketë ndikim edhe në Shqipëri, ku janë kryer shumë hetime nga SPAK, të mbështetura në bisedat e zbardhura në Francë nga këto aplikacione.

Sipas Strasburgut, zbërthimi i bisedave është i ligjshëm dhe mund të përdoret si prova në gjykatë.

Kujtojmë se në Shqipëri, Pëllumb Gjoka, i arrestuar, ka bërë një padi në Gjykatën Kushtetuese, duke kërkuar rrëzimin e provave të SPAK lidhur me përgjimet e EncroChat.

Vendimi i Strasburgut:

Gjykata i shpalli të papranueshme kërkesat në çështjen A.L dhe E.J kundër Francës.

Të dy aplikacionet kishin të bënin me marrjen në distancë të të dhënave të përdoruesve nga mjeti i enkriptuar i telekomunikacionit EncroChat dhe ndarjen e tyre me autoritetet e zbatimit të ligjit në Mbretërinë e Bashkuar. EncroChat ishte një mjet i koduar i telekomunikacionit në telefon celular, për të cilin më shumë se 66,000 celularë ishin shpërndarë fshehurazi në 122 vende.

Gjykata vuri në dukje se të dhënat e përdoruesit të EncroChat ishin mbledhur me iniciativën e autoriteteve franceze me anë të një mase për rikthimin e të dhënave që ishte urdhëruar në kontekstin e procedimeve penale të hapura nga divizioni i specializuar ndërrajonal i gjykatës penale të Lille. Të dhënat në lidhje me përdoruesit e EncroChat të vendosur në MB ishin transferuar, si prova tashmë në posedim të autoriteteve franceze, për t’u përdorur në çështje të tjera penale sipas një Urdhri Hetim Evropian (EIO) të lëshuar nga Shërbimi i Prokurorisë së Mbretërisë së Bashkuar. Kështu, të dhënat e marra në distancë ishin përfshirë si prova të prokurorisë në procedimet kundër të dy aplikantëve në MB.

Gjykata arriti në përfundimin se kërkuesit në Francë kishin në dispozicion një mjet juridik, me anë të të cilit ata mund të kishin kundërshtuar efektivisht masën e transferimit të të dhënave të marra në përputhje me EIO të lëshuar nga autoritetet e Mbretërisë së Bashkuar, së bashku me masën e rikthimit të të dhënave.

LEXONI GJITHASHTU:

• Gjykata Europiane rrëzon përdorimin e bisedave në Encrochat dhe SkyECC si provë
• “Platforma e re ka vetëm video”-Artan Hoxha: Ku ngjasonin aplikacionet Ghost e Encro