Dosja “Babale”, shtyhet gjyqi në Apel ndaj deputetit Ervin Salianji

Është shtyrë për në 8 maj seanca në Gjykatën e Apelit për deputetin e PD Ervin Salianji dhe gazetarin Jetmir Olldashi lidhur me dosjen e ashtuquajtur ‘Babale’.

Gazetari Olldashi nuk u paraqit në seancë. Po ashtu, në Gjykatën e Apelit mungoi edhe deputeti i PD, Ervin Salianji dhe avokati i tij Ledio Braho.

Avokati i Salianjit kishte dorëzuar një kërkesë duke sqaruar se nuk mundej që të merrte pjesë në seancë për arsye shëndetësore. Avokati Braho kërkoi shtyrjen e seancën, kërkesë që u pranua nga gjykata.

Seancën e kaluar Jetmir Olldashi bëri kërkesë për përjashtimin e gjyqtares Eliba Bezat, por gjykata vendosi mospranimin e kërkesës.

Avokati i viktimës së veprës penale Geron Xhafa, av Ardian Visha tha: Për ne është e qëllimtë, kërkojmë të caktohet një avokat kryesisht që të mos ketë zvarritje të procesit.

LEXONI GJITHASHTU:

• Debati për TIMS/ Salianji: Depozituam kërkesë për informacion, do presim 5 ditë…
• Hidhet shorti, kush është gjyqtarja që do të shqyrtojë çështjen “Babale”