Gjyqi për Belerin, flet dëshmitari i fundit. Mbështetësit mblidhen në GJKKO

Ka nisur të mbahet në ambientet e GJKKO seanca në themel për kryebashkiakun e zgjedhur të Himarës Fredi Beleri.

Në seancën e kësaj të enjteje janë paraqitur si zakonisht dhjetëra familjarë dhe mbështetës të Belerit.

Sakaq në gjyq pritet të dëshmojë dëshmitari i fundit i kërkuar nga mbrojtja, përfaqësues i Drejtorisë së Përgjithshme të Burgjeve.

Ai do të pyetet mbi dëshminë e penalitetit të Belerit për të cilën ky i fundit ka pretenduar se është falsifikuar.

Në seancën e fundit dëshmuan kancelarët Prokurorisë dhe Gjykatës së Vlorës të cilët nuk ishin në gjendje të shpjegonin pse çertifikata e Belerit kur u arrestua doli i dënuar pasi ai është i rehabilituar dhe më herët ka disponuar një dëshmi penaliteti të tillë.

Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit.

Ai së bashku me bashkëpunëtorin e fushatës elektorale Pandeli Kokaveshi akuzohen për veprën penale të shit-blerjes së votave.

LEXONI GJITHASHTU:

• “Lëreni të betohet”- Përkrahësit e Belerit protestë në Kushtetuese: Himara vendosi!
• Kërkoi leje të posaçme për t’u betuar, Apeli i GJKKO merr vendimin për Belerin
• Kishte kërkuar lirimin nga burgu, Apeli i GJKKO merr vendim për Fredi Belerin