Gjyqi për Gërdecin, shtyhet në 9 nëntor seanca e radhës

Seanca e radhës për gjyqin e Gërdecit është shtyrë më 9 nëntor.

Seanca e kësaj të premteje u ndërpre pasi kaloi orari zyrtar.

Në seancën e radhës do të vijohet me listën e dëshmitarëve të thirrur nga SPAK.

Gjykata ka pranuar kërkesën e SPAK për të thirrur si dëshmitar 72 persona, mes tyre Aldo Bumçin dhe Shkëlzen Berishën.

Çështja ndaj ish-ministrit Mediu është rihapur pasi Zamira Durdaj, e cila humbi të birin në ngjarjen e Gërdecit, e kallëzoi atë në SPAK.

Mediu ishte një nga të akuzuarit për shpërdorim detyre për ngjarjen e vitit 2008 ku Shqipëria u trondit nga shpërthimi i një depoje të armëve ushtarake në Gërdec, në afërsi të Tiranës.

LEXONI GJITHASHTU:

• Dosja Gërdeci| Dëshmitari në GJKKO: Shkak babëzia! S’punoj më as për 1 mln në ditë
• ‘Gërdeci’, rrëfehen në GJKKO dëshmitarët: Na premtuan kontrata, kush na punësoi