Gjysma e qeverisë e përfshirë në aferën e inceneratorëve, pretendon Basha

Të përfshirë në aferën e inceneratorëve janë gjysma e kabinetit qeveritar me në krye kryeministrin Edi Rama.

Këtë tha kryetari i Partisë Demokratike Lulzim Basha në një deklaratë për mediat pasi doli nga seanca parlamentare e së enjtes.

Basha tha se skema mafioze e grabitjes së parave të shqiptarëve nuk mund të ndodhte pa përfshirjen dhe dijeninë e Edi Ramës, gjë që sipas tij po vërtetohet dita-ditës në komisionin e ngritur me kërkesë të PD.

Pas arrestimit të njërit prej ministrave të Ramës (Lefter Koka), të tjerët presin t’u vijë radha të arrestohen si të përfshirë në këtë aferë, tha kryedemiokrati.

Ai akuzoi grupimin pranë Berishës se po bën opozitën e opozitës edhe lidhur me këtë denoncim të Partisë Demokratike duke mohuar dhe penguar punën e komisionit të ngritur për të hetuar aferën e inceneratorëve.

LEXONI GJITHASHTU:

• Rama për inceneratorët: Nëse ka ministra të përfshirë, të ndëshkohen
• Dëshmitë në Komisionin e hetimit për inceneratorët