Godina e re e SPAK, Dumani: Të bëhet funksionale brenda 2024, s’kemi ambiente
SPAK kërkon që brenda vitit 2024 të bëhet funksionale godina e re që ju është dhënë në administrim. Në raportimin për buxhetin në komisionin e ligjeve, Altin Dumani deklaroi se po punojnë në ambiente përtej kapaciteteve.
Për të bërë funksionale brenda vitit 2024 godinën e re, Struktura e Posaçme Antikorrupsion kërkon nga qeveria fonde shtesë.
Kreu i kësaj strukturës, Altin Dumani në raportimin përpara komisionit të ligjeve për buxhetit e vitit të ardhshëm kërkoi fonde edhe për pagat e punonjësve.
“Bëhet funksionale vetëm nëse ne na miratohet fondi i kërkuar. Ne tashmë gjendemi para fakti që godinën e kemi përpara zyrave tona, e kemi shumë afër. Vazhdojmë sërish punojmë tej kapaciteteve, shumë persona në të njejtën zyrë. Gjithashtu nuk mund të miratojmë organikën e miratuar sepse nuk kemi realisht ambiente se ku ti vendosim punonjësit tanë”– tha Altin Dumani, kreu i SPAK.
Anëtarët e mazhorancës e mbështetën këtë kërkesë, ndërsa ministria e financave tha se do të analizohet nëse do të jetë e mundur.
“Ne do të dëshironim që ju ta realizonit sepse kuptohet kushtet e punës në një institucion me ngarkesë që ju keni, me natyrën specifike do duhet të jenë optimalet. Ne e shohim që është e rëndësishme që kjo kërkesë e SPAK të merret në konsideratë. Gjithsesi do të duhet të akordoni me ministrinë e financave.”
“Është një shifër prej 550 milionë lekësh të cilat do të duhet të analizohen dhe njëherë nëse do të ishte e mundur përfshira e tyre dhe më pas realizimi i tyre brenda vitit 2024.”-shtoi Vilma Çausholli, përfaqësuese e Ministrisë së Financave dhe Ekonomisë.
Përpara, komisionit të ligjeve raportuan për buxhetin edhe institucione të tjera, si komisioni qendror i zgjedhjeve apo shkolla e magjisraturës.
LEXONI GJITHASHTU:
Ali Ahmeti për protestën në Tiranë: Shqipëria po merr goditje të forta në turizëm dhe ekonomi
E rëndë në Kavajë, u godit me thikë nga vëllai, humb jetën një person
Breshëri shkatërron prodhimet bujqësore në Drizë të Gramshit (VIDEO)
- 21:39 Ali Ahmeti për protestën në Tiranë: Shqipëria po merr goditje të forta në turizëm dhe ekonomi
- 21:37 E rëndë në Kavajë, u godit me thikë nga vëllai, humb jetën një person
- 21:32 Breshëri shkatërron prodhimet bujqësore në Drizë të Gramshit (VIDEO)
- 21:28 Rubio: SHBA-ja është “e harmonizuar” me aleatët në Gjirin Persik sa i përket Iranit
- 21:23 Pas tubimit para Kryeministrisë, protestuesit marshojnë në rrugët e kryeqytetit në ditën e 25-të të protestës
- 20:56 Stuhia e shiut përfshin juglindjen e vendit (VIDEO)