Goditen dy raste të shpërndarjes së drogës në Shkodër, në pranga dy persona

Dy persona janë arrestuar ditën e sotme në Shkodër pasi janë kapur duke shpërndarë lëndë narkotike.

Policia bën me dije se në pranga kanë rënë shtetasit E. R., 20 vjeç dhe M. K., 17 vjeç, të dy banues në lagjen “10 korriku”.

“Gjatë kontrolleve fizike të ushtruara nga shërbimet e Policisë, këtyre shtetasve, në 2 lagje të ndryshme të qytetit, iu gjetën dhe iu sekuestruan në cilësinë e provës materiale, një sasi lënde e dyshuar narkotike kanabis, e ndarë në doza, të gatshme për shitje”- njofton policia.

Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme, për veprën penale “Prodhimi dhe shitja e narkotikëve”.

LEXONI GJITHASHTU: 

• Rritet çmimi i naftës, sa do të shiten karburantet nga sot
• Transportonte kundrejt pagesës 18 emigrantë, shpallet në kërkim 20-vjeçari shkodran