Goditet grupi kriminal në Durrës, tregtonin kanabis në formë çokollatë dhe kokainë

Policia e Durrësit ka arrestuar 4 persona të përfshirë në veprimtarinë kriminale të shitjes së drogave të forta.

Në pranga shtetasit A. B., 32 vjeç, A. B., 37 vjeç, E. K., 48 vjeç, të tre banues në fshatin Xhafzotaj, Durrës dhe Sh. D., 34 vjeç, banues në fshatin Shtrazë, Shijak.

Ata akuzohen për veprat penale “Prodhimi dhe shitja e narkotikëve”, “Veprime që pengojnë zbulimin e së vërtetës” dhe “Kundërshtimi i punonjësit të policisë së rendit publik”, pasi dyshohet se shpërndanin lëndë narkotike kanabis sativa në formën e çokollatës, në fshatin Xhafzotaj.

Gjithashtu, para kontrollit nga Policia, kanë tentuar të prishin provat materiale, në banesën e shtetasit A. B., si dhe kanë kundërshtuar punonjësit e Policisë, gjatë shoqërimit.

Policia ka sekuestruar 131.5 gramë kanabis në trajtë çokollate, doza kokaine, 1 peshore elektronike që shërbente për ndarjen në doza të lëndëve narkotike, 1 automjet dhe 4 celularë.

Materialet procedurale në ngarkim të tyre i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Vajza vrau babain në Durrës, flet krushku: Ajo s’mbyste dot një pulë
• FOTO| Kush është 49-vjeçari që u vra dhe u gropos nga vajza e tij në Durrës
• E rëndë në Durrës/ Vajza vret babain dhe e gropos në oborrin e shtëpisë