Goditet grupi kriminal që shpërndante drogë në Tiranë, drejtohej nga një grua

Katër persona janë arrestuar në Tiranë, në kuadër të operacionit policor të koduar “Kutia e Pandorës.

Të arrestuarit, Brikena Frakulli, Hortenca Biçaku, Klevi Banushi dhe Artur Kristo ishin pjestarë të një grupi kriminal që shpërndanin heroinë dhe kokainë në zona të ndryshme të Tiranës.

Nga kontrolli i ushtruar në banesat e Frakullit dhe Kristos, policia gjeti dhe sekuestroi në cilësinë e provës materiale, 6 kilogramë lëndë narkotike heroinë e kokainë, përkatësisht 3 kg 891  gramë lende narkotike e dyshuar heroinë dhe 2 kg e 110 gram lëndë narkotike kokainë, ku një pjesë ishte e ndarë në 1100 doza gati për shitje.

Gjithashtu, nga kontrolli u gjetën dhe u sekuestruan dhe shuma të mëdha parash në euro dhe lekë, konkretisht 83.555 euro, 420.000 lekë të rinj, 2 automjete, 2 motoçikleta, 3 peshore elektronike dhe 4 aparate celulare.

Nga hetimet e kryra, rezulton se këta shtetas vepronin në formën e grupit kriminal që drejtohej nga shtetasja Brikena Frakulli, e cila siguronte lëndën narkotike në sasi të mëdha dhe më pas furnizonte shpërndarësit në doza.

LEXONI GJITHASHTU

• Iu vodhën mijëra euro nga pastruesja, arrestohet Alda Klosi
• Toka dhe 5 apartamente, zbulohet pasuria e Alda Klosit
• “Do rri unë këtu”, zbardhet përgjimi i nënë e bir që vodhën mijëra euro