Goditi anëtarin e Këshillit Bashkiak në Elbasan, procedohet penalisht 68-vjeçari

Policia e Elbasanit ka proceduar penalisht një 68-vjeçar, i cili gjatë mbledhjes së Këshillit Bashkiak të qytetit kundërshtoi rritjen e çmimit të ujit. Qytetari në fjalë goditi me sende të forta një prej anëtarëve socialist të Këshillit Bashkiak.

68-vjeçari u procedua penalisht për veprat penale “Kundërshtimi i punonjësit që kryen një detyrë shtetërore ose shërbim publik” dhe “Prishja e qetësisë publike”.

Kujtojmë se mbledhja e radhës e Këshillit Bashkiak të Elbasanit u shoqërua me debate dhe tensione mes këshilltarëve dhe qytetarëve për rritjen e çmimit të ujit të pijshëm.

Disa përfaqësues të opozitës thirrën një protestë të qytetarëve në sallën ku u mbaj mbledhja e këshillit.

Qytetarët pohuan se ky vendim prek drejtpërsëdrejti shtresat në nevojë.

Aktualisht konsumatorët familjarë paguajnë për ujin e pijshëm 40 L/m3. Ndërmarrja e Ujësjellësit ka kërkuar çmim të unifikuar për 6 bashkitë e qarkut Elbasan 60 L/m3.

Njoftimi i policisë:

Komisariati i Policisë Elbasan referoi materialet në Prokurori ku nisi procedimi në gjendje të lirë për shtetasin:

M., 68 vjeç, banues në Elbasan, për veprat penale “Kundërshtimi i punonjësit që kryen një detyrë shtetërore ose shërbim publik” dhe “Prishja e qetësisë publike”, pasi ditën e djeshme, në ambientet e një salle ku po zhvillohej mbledhja e këshillit bashkiak, ka prishur qetësinë në sallë duke folur me zë të lartë dhe ka goditur me disa sende, anëtarin e këshillit bashkiak, shtetasin L. R.;

Momeni i përplasjes në Këshillin Bashkiak të Elbasanit: