Goditi punonjësin e policisë në detyrë, arrestohet 32-vjeçari në Tiranë

Komisariati i Policisë Nr. 6 në Tiranë ka arrestuar në flagrancë dy shtetas, pasi kanë kundërshtuar dhe goditur një punonjës të policisë në pikën e kontrollit.

“Shtetasi V.M., 32 vjeç, është arrestuar për veprën penale “Goditje për shkak të detyrës”, pasi ka goditur një punonjës të policisë që ishte në detyrë. Ndërsa shtetasi A.Gj., 30 vjeç, i cili udhëtonte si pasagjer, është arrestuar për “Kundërshtim i punonjësit të policisë”, pasi ka refuzuar të bashkëpunojë dhe ka penguar kryerjen e procedurave ligjore”, thuhet në njoftimin e policisë.

Policia e Tiranës apelon për respektimin e ligjit dhe bashkëpunimin e qytetarëve me autoritetet, për të garantuar sigurinë dhe rendin publik.

LEXONI GJITHASHTU:

• “Tao merr përsipër…”- Berisha publikon përgjime, mesazhi për militantët para SPAK
• Gjendet lëndë plasëse poshtë një automjeti në Burrel