Godo: Shifrat e kancerit te fëmijët, shqetësuese

Anila Godo, shefe e shërbimit të Pediatrisë, në emisionin SOT në Euronews Albania tha se lufta me kancerin te fëmijët vazhdon të mbetet problem.

“Mbetet problem sepse edhe po të shikojmë shifrat ndërkombëtare, mosha 0 deri në 20 vjeç, sot në botë jepen shifrat për 400 mijë të sëmurë më kancer ose tumor. Nga këta, rreth ¼ ose 100 mijë humbin jetën”, tha Godo.

“Pra janë shifra që me të vërtetë imponojnë vëmendje dhe përkushtim të veçantë”,u shpreh Godo.

Ajo tha se vitet e fundit ka rritje të rasteve me leukemi te fëmijët.

“Pra për një popullsi të tillë janë shifrat janë me të vërtetë shqetësuese”, tha Godo.

29% e fëmijëve me kancer në Shqipëri kanë humbur jetën gjatë 2020. Në total, mbi 100 fëmijë (0-19-vjeç) u diagnostikuan me kancer gjatë këtij viti.

OBSH e rendit Shqipërinë në vendin 6 mes 48 vendeve në Europë dhe Azi për vdekjet e fëmijëve nga kanceri gjatë këtij viti.

Sa i përket vendeve të rajonit, Mal i Zi është një të njëjtat nivele si Shqipëria, me një incidencë vdekshmërie 3.8. Maqedonia e Veriut renditet e 34, me një incidencë vdekshmërie 2.1. Ndërsa, Greqia Italia renditen me një nivel vdekshmërie më të ulët sesa Shqipëria.

Në raport nënvizohet se vdekshmëria nga kanceri i fëmijërisë është ulur ndjeshëm në dekadat e fundit falë trajtimeve mjekësore.

OBSH thotë se në vendet e zhvilluara, me të ardhura të larta, 80% e fëmijëve të diagnostikuar me kancer e mposhtin këtë sëmundje të rëndë. Ndërsa në vendet me të ardhura të ulëta dhe të mesme, shërohen më pak se 30% e fëmijëve që vuajnë kjo sëmundje.

Diagnostikimi i vonuar, mungesa e terapive, ilaçeve, gabimet e mjekëve, janë disa nga arsyet pse vdekshmëria e fëmijëve me kancer është më e lartë në vendet me të ardhura të ulëta dhe mesme.

Në parashikimin e OBSH-së për periudhën 2020-2050, në nivel global do të ketë 13.7 milionë fëmijë të diagnostikuar me kancer, nga të cilët rrezikojnë të humbasin jetën 11.1 milionë fëmijë.

LEXONI GJITHASHTU: 

• 29% e fëmijëve me kancer në Shqipëri humbën jetën në 2020