Jonila Godole, drejtore e Institutit për Demokraci, Media dhe Kulturë u shpreh në “Barometri” për Euronews Albania se është e qëllimshme që ne t’ia veshim gjithçka është bërë në komunizëm kohës dhe jo individit.

Sipas saj kjo qasje e Shqipërisë shumë ndryshon shumë nga modeli i vendeve të Europës Lindore, pa shkuar fare te Gjermania që ne kemi marrë shembull.

“Unë gjithmonë e kam thënë, për mua është e qëllimtë qasja që është bërë që ne t’ja veshim gjithçka të keqe të asaj kohe, jo byrosë politike, jo diktatorit, jo grupit, jo atij klani, atij sekti kriminal i cili drejtonte ndër të tjera edhe sigurinë e shtetit,” – u shpreh Godole.

Ajo nuk e përdori termin “hapje dosjesh” sepse siç tha ky term nuk ekziston të paktën në legjislacionin tonë.

Shqiptarët janë të gjithë një mendje kur vjen fjala për hapjen e dosjeve të komunizmit. Të pyetur nga Barometri në Euronews Albania, 79.7% e tyre mendojnë se dosjet duhet të ishin hapur. Vetëm 9.3% e tyre janë përgjigjur jo dhe 11% janë përgjigjur nuk e di.

LEXONI GJITHASHTU:

• Barometri| Shqiptarët në një mendje për hapjen e dosjeve të ish-Sigurimit
• Ylli Manjani: Kam njohur nja dy spiunë që shanin spiunët e tjerë