Goli i anulluar dhe penallti e humbur, çfarë ndodhi në derbin Tirana-Partizani

Një gol i anulluar, 1 penallti e humbur e në fund me rrjeta të paprekura, kjo ishte panorama e derbit të 176-të të kryeqytetit mes Tiranës dhe Partizanit. Në Air Albania, me afro 11 mijë të pranishëm, asnjëra prej skuadrave nuk ndezi, duke kthyer në kujtesë klasiken e fazës së parë, që po ashtu u mbyll 0-0. Loja nisi më mirë për të besuarit e Veselinovic, që dhanë idenë se nuk do ta kishin të vështirë të fitonin, por u surprizuan nga një autogol i Sembene, por VAR e anuloi pasi Walid Jarmouni i Tiranës ishte në pozicion të parregullt, ndërsa vendosi në presion qendërmbrojtësin.

Pjesa e dytë ishte po njësoj, me sulme sporadike nga të dyja ekipet, por emocionet do të shtoheshin në fund, ku Bytyçi shkaktoi penallti, pasi preku topin me dorë brenda zonës. Përgjegjësinë për të goditur penalltinë e mori Fatmir Prenga, por gjuajtja e tij u prit nga portieri Pano Qirko, i cili ishte heroi i të kuqve në derbi.

90 minutat mbyllen me shifra të bardha, por Partizani sërish mbetet në krye të tabelës së klasifikimit. Sa i përket Tiranës, renditet në vendin e 7-të me 16 pikë.

LEXONI GJITHASHTU:

• Refik Halili akuza të forta arbitrave: Të mos luajnë me investimet tona
• Ernest Gjoka trajneri i ri i Skënderbeut