Grabitën me dhunë në banesën e të moshuarit në Lezhë, arrestohen 3 autorët e dyshuar

Policia e Lezhës ka finalizuar me sukses operacionin e koduar “Telefonata”, i cili çoi në arrestimin e tre autorëve të dyshuar të një vjedhjeje me dhunë, të ndodhur më 28 prill 2025, në fshatin Gajush të Lezhës.

Autorët u futën në banesën e 66-vjeçarit, të cilit i vodhën me dhunë 1500 dollarëve, 880 euro, 50 000 lekë dhe 1 arme gjahu.

Policia thotë se  ka identifikuar dhe vënë në pranga shtetasit K. N., 22 vjeç, banues në Mirditë (me precedent penal), A. S., 21 vjeç, banues në Korçë dhe L. Ll., 22 vjeç, banues në Tiranë (u kap nga shërbimet e PKK Muriqan, në dalje).

Sipas njoftimit zyrtar, një nga autorët u kap në tentativë për të kaluar kufirin në drejtim të Malit të Zi, përmes Pikës së Kalimit Kufitar në Muriqan.

Po ashtu, në kuadër të hetimeve, është proceduar penalisht edhe babai i njërit prej të arrestuarve, 22-vjeçarit K,N, për përkrahje të autorit të krimit.

Janë sekuestruar gjithashtu pesë celularë dhe dy automjete të përdorura gjatë ngjarjes.

Njoftimi i policisë

Lezhë/Zbardhet dinamika e vjedhjes me dhunë, në banesën e një të moshuari, në fshatin Gajush, kryer më datë 28.04.2025.

Si rezultat i hetimeve të thelluara të kryera menjëherë pas telefonatës për vjedhje me dhunë, në banesën e një 66-vjeçari, në fshatin Gajush, shërbimet e Komisariatit të Policisë Lezhë dhe ato të Drejtorisë Vendore të Policisë Lezhë, në bashkëpunim me Prokurorinë e Lezhës, zbardhën dinamikën e rastit dhe arrestuan autorët e dyshuar.

Konkretisht, në kuadër të operacionit “Telefonata”, u identifikuan, u kapën dhe u vunë në pranga shtetasit K. N., 22 vjeç, banues në Mirditë (me precedent penal), A. S., 21 vjeç, banues në Korçë dhe L. Ll., 22 vjeç, banues në Tiranë (u kap nga shërbimet e PKK Muriqan, në dalje).

Nga hetimet dyshohet se 3 shtetasit janë implikuar në vjedhjen me dhunë të 1500 dollarëve, 880 eurove, 50 000 lekëve dhe 1 arme gjahu, në banesën e një 66-vjeçari, në fshatin Gajush, kryer në orët e para të mëngjesit të datës 28.04.2025.

Në vijim të operacionit, nisi procedimi në gjendje të lirë, për babanë e shtetasit K. N., shtetasin Gj. N., 50 vjeç, për veprën penale “Përkrahja e autorit të krimit”.

Materialet procedurale iu referuan Prokurorisë së Lezhës, për veprime të mëtejshme.

LEXONI GJITHASHTU:

• Djali rekrutonte vajza për prostitucion, babait i sekuestrohet apartamenti e makinat
• I marrin peng burrin në mes të Tiranës/ Gruaja u jep lekët autorëve, 5 të arrestuar