Grabitet dhe dhunohet e moshuara në Divjakë, vajzat e saj: Duam drejtësi

Një 82-vjeçare nga fshati Shën e Premte e Divjakës ka rënë pre e grabitjes. Dy të rinj, të moshës 25 dhe 19 vjeç pasi i kanë vjedhur bizhuteritë që ndodheshin në banesë e kanë dhunuar atë.

Kaleme Dardha e cila jeton e vetme tregon momentin kur të rinjtë hynë në banesë dhe e dhunuan. Fqinjët kanë qenë ata të cilët i kanë dhënë ndihmën e parë duke e dërguar 82-vjeçaren në spital.

“Më morën më shtrinë në pllaka. E përdrodhën qafën time sikur të ishte llastik. Torturë të madhe kam vuajtur. Më futën dorën në gojë që të mos bërtas se dëgjonte komshiu,” – u shpreh Dardha.

Vajzat e saj kërkojnë dënim maksimal për autorët e ngjarjes.

“Nënës së atij dhe babait të atij djalit i kam dhënë lekë ‘na ushqe kalamajt’, sot vjen më dhunon nënën. Nuk ja fal kurrë. Nuk ja fal asnjë. Duam drejtësi,” – u shpreh njëra vajzë.

“Mos të bëjë një vit burg e të dalë se do shkojmë deri në hasmëri, se nipërit e mi dhe djali im nuk e falin gjakun e nënës së vet,” – u shpreh vajza tjetër e Dardhës.

Të rinjtë të cilët janë edhe banorë të zonës janë arrestuar nga policia e Divjakës. Ata akuzohen edhe për vjedhjen e 5 banesave të tjera gjatë dy javëve të fundit.

LEXONI GJITHASHTU:

• FOTO| Dhunohet barbarisht e moshuara në Divjakë, hajdutët i grabisin banesën
• Aksident me vdekje në Divjakë, humb jetën 30-vjeçari