Grabitja me armë në Divjakë, policia: Po kërkojmë autorin

Policia ka dalë me një njoftim zyrtar lidhur me ngjarjen e denoncuar nga deputeti Saimir Korreshi në Divjakë.

Policia sqaron se pasditen e sotme, në qytetin e Divjakës, në një pikë këmbimi valutor, një person i vetëm, ende i paidentifikuar dyshohet se nën kërcënimin e armës ka vjedhur një shumë parash dhe më pas është larguar me shpejtësi.

Nga ana e Policisë janë ngritur pika kontrolli dhe vijon kontrolli i zonës për të bërë të mundur kapjen e autorit.

Grupi hetimor ndodhet në vendin e ngjarjes dhe vijon punën për fiksimin e çdo prove materiale që do shërbejë për zbardhjen e ngjarjes, identifikimin dhe kapjen e autorit.

LEXONI GJITHASHTU:

• ‘Divjaka në gjendje lufte’, deputeti denoncon grabitjen me armë në mes të qytetit
• 4 goditje Kokoneshit në shpatull, 5 në bark shoferi| Detaje nga ngjarja në Divjakë