Grabitje më armë zjarri në Unazë të Re, autori u largua me biçikletë

Një grabitje me armë zjarri ka ndodhur mëngjesin e së shtunës në Tiranë.

Policia tha se ngjarja ndodhi rreth orës 08:25, në rrugën “Tom Plezha” në Unazë të Re, ku një person ende i paidentifikuar, i cili mbante një send të dyshuar si armë zjarri, është futur në një pikë për transferta parash dhe këmbimi valutor, ka marrë një shumë parash.

Autori është larguar nga vendngjarja me një biçikletë.

Grupi hetimor ndodhet në vendngjarje dhe po punon për identifikimin dhe kapjen e autorit.

Shërbimit e Policisë kanë ngritur pika kontrolli dhe po krehin zonën, për të bërë të mundur kapjen e autorit.

LEXONI GJITHASHTU:

• Dy grabitje me armë brenda pak orësh në Mitrovicë, policia jep detaje
• Video e grabitjes së postës private, autori i veshur si postier e me thikë në dorë