‘Grabitqarë’, Rama për vjedhjet e pensioneve në Dibër: S’do ketë më kesh

Kryeministri Edi Rama i quajti grabitqarë zyrtarët e postës që janë arrestuar për vjedhje të pensioneve në Dibër.

“E si mund të pranojë kryetari i bashkisë të dëgjojë që posta në x apo y vend të luajë me pensionet. Së shpejti pensionet nuk do të jenë më KESH. Kush do i mbrojë pensionistët nga disa grabitqarë që meritojnë të jenë në një vend dhe jo në zyrat e postës”, u shpreh Rama gjatë një takimi me kryebashkiakët në Pogradec.

Këtë të premte, u arrestua drejtori i Postës së Dibrës, Ilir Vraniçi dhe shefi i zyrës Xhevdet Doda. Dy zyrtarët akuzohen nga Prokuroria për shpërdorim detyre.

Prokurorja Xhoana Mehmetaj ka firmosur urdhër-arrestin edhe për punonjësin e postës Gazmir Hasi, i cili akuzohet për vjedhje dhe falsifikim dokumentesh. Ky person sipas hetimeve ka vjedhur rreth 6 milionë lekë te reja nga pensionet e qytetarëve.

Sipas hetimeve zyrtarë ata kanë pasur dijeni për veprimet e vartësit të tyre.

E gjitha parregullsia sipas veprimeve hetimore të kryera dyshohet se ka ndodhur në periudhën janar-maj të këtij viti.

LEXONI GJITHASHTU:

• Vodhën 60 mln lekë nga pensionet, arrestohet drejtori i Postës dhe vartësi