“Grekët ishin mikpritës në fillim, pastaj filloi racizmi”-Shqiptari tregon arsyen…

Lulzim Malholli, inxhinieri i cili e ka ndërtuar jetën e tij në Greqi tha në një intervistë për “Good Morning Albanians” se takimi i kryeministrit Edi Rama me shqiptarët në Athinë ishte takimi më madhështor i bërë ndonjëherë. Sipas tij ky ishte një takim shumë i nevojshëm.

Duke kujtuar vështirësitë që ai ka hasur në shtetin fqinj, Malholli tha se në fillim populli grek është treguar jashtëzakonisht mikpritës dhe bujar me popullin shqiptar, ndërsa shtoi se konfliktet dhe racizmi kanë nisur më vonë.

“Është një takim pak i vonuar për vet faktin se ne kemi nevojë për takime të tilla dhe kemi nevojë për një kujdes të tillë nga shteti amë. Ishte takimi më madhështor që unë kam parë deri më tani në Greqi. Komuniteti shqiptar në Greqi nuk mblidhet në përmasa të tilla.

Unë kam emigruar në 1991. Mikpritja greke ka qenë e jashtëzakonshme. Unë kur erdha me familjen time dhe me fëmijën 7 muajsh e brenda disa orëve më krijuan kushte për fëmijën. Është gjynah t’i harrojmë këto. Kemi pasur vështirësi, racizëm, fshesa, por populli grek ka qenë shumë dashamirës me ne në fillim. Më pas edhe ne treguam se kush jemi dhe nisën konfliktet”,-tha Lulzim Malholli.

LEXONI GJITHASHTU:

• Gazetari nga Greqia: Rama ishte Zoti ynë dje në takimin e Athinës
• “Nuk kam ardhur për të provokuar”, Bido tregon mesazhet e Rames në Athinë