Grenell përgënjeshtron Lelën për takimin e Ramës me djalin e Trump: Gënjeshtër

I Dërguari Special i SHBA-së për Misione, Richard Grenell, ka reaguar ndaj një lajmi të publikuar nga media shqiptare Politiko.al., e drejtuar nga zëdhënësi i fushatës së Partisë Demokratike, Alfred Lela.

Në artikull pretendohej se një takim i planifikuar në Tiranë mes kryeministrit Edi Rama dhe djalit të Trump, ku lobist do të ishte Richard Grenell kishte dështuar sërish.

“Takim me Donald Trump Jr.- Dështon për të dytën herë tentativa e lobistit të Ramës”, ishte artikulli që solli reagimin e Grenell.

Në reagimin e bërë në platformën “X”, Grenell shkruan se lajmi është i pavërtetë dhe i kërkoi botuesit ta heqë nga Politico.al.

“E kuptoj që je vetëm disa ditë larg zgjedhjeve të rëndësishme. E kuptoj që emocionet janë të larta. I kam parë zgjedhjet tuaja në heshtje nga stoli, sepse Shqipëria është një aleat i rëndësishëm dhe i besuar i Amerikës në NATO (dhe një nga vendet e mia të preferuara për të vizituar dhe për të kaluar pushimet).

Por ky lajm nga media juaj është NJË GËNJESHTËR E PLOTË. Duhet të korrigjohet menjëherë dhe të hiqet nëse të interesojnë faktet”, shkruan Richard Grenell drejtuar themeluesit te Politiko.al, Alfred Lela.

Dear @AlfredLela,

I realize you are days away from an important election. I understand emotions are high. I have watched your election silently from the sidelines because Albania is an important and trusted NATO ally of America (and one of my favorite countries to visit &… pic.twitter.com/kKPWaw9uIj

— Richard Grenell (@RichardGrenell) April 28, 2025

LEXONI GJITHASHTU:

• Thaçi nuk u lejua të marrë pjesë në varrimin e të atit, reagon Richard Grenell
• Grenell vizitë në Kosovë, politologu: Nga çfarë varet takimi me kryeministrin Kurti