Greqi| Shqiptari lidh, dhunon dhe i ndërpret shtatzëninë të dashurës 19-vjeçare

Policia në Zakynthos të Greqisë arrestoi një 27-vjeçar shqiptar, pasi ndërpreu shtatzëninë me dhunë të të dashurës së tij 19-vjeçare nga ishulli.

Sipas mediave të huaja, ngjarja ka ndodhur mbrëmjen e së martës, kur 27-vjeçari ka shkuar dhe ka marrë nga shtëpia 19-vjeçaren, e cila ishte rreth 2 muajshe shtatzënë.

Sipas të njëjtave informacione, 27-vjeçari pasi ka marrë partneren në shtëpinë e tij, e ka lidhur, e ka rrahur dhe e ka detyruar të marrë mjekim për të ndërprerë shtatzëninë.

Të nesërmen në mëngjes, 27-vjeçari e dërgoi 19-vjeçaren në spitalin e Zakynthos, ku po trajtohet jashtë rrezikut, por me një abort.

Pas një denoncimit, 27-vjeçari u arrestua të mërkurën, i cili do të sillet në prokurori me akuzën e dhunës në familje, ndërprerjes së shtatzënisë, dëmtimit të rrezikshëm trupor dhe vjedhjes, pasi ai i kishte marrë edhe celularin e partneres së tij.

LEXONI GJITHASHTU:

• Arrestohet 71-vjeçari që dhunonte bashkëshorten, i gjejnë armë dhe lëndë shpërthyese
• Dhunonte dhe kërcënonte nënën e pajisur me urdhër mbrojtje, në pranga 46-vjeçari