Greqi: Vazhdojnë kërkimet për gazetarin e zhdukur britanik

Vazhdojnë kërkimet për gazetarin britanik Michael Moseley, i cili u zhduk teksa ishte me pushime në ishullin grek Symi. Në kërkim është përfshirë edhe një helikopter mëngjesin e sotëm.

Mosley, i njohur për shfaqjet e tij televizive dhe podkastin e BBC Radio 4, u pa për herë të fundit të mërkurën, raporton BBC.

Gazetari britanik ka dalë për një shëtitje drejt qendrës së ishullit, duke lënë gruan e tij Claire.

Policia lokale ndërpreu përkohësisht kërkimin të enjten në mbrëmje, por vazhdoi kërkimin për Moseley këtë mëngjes. Në kërkim po marrin pjesë 25 persona, mes tyre policë, vullnetarë dhe zjarrfikës.

Në operacion u përdorën gjithashtu dronët për të kërkuar zona të vështira për t’u arritur.

LEXO GJITHASHTU:

• 35-vjeçari shqiptar gjendet i vdekur në një kanal vaditës në Greqi
• Ra në greminë teksa kulloste bagëtitë, humb jetën 62-vjeçari në Krujë