Greqia i dërgoi një letër kreut të Kombeve të Bashkuara duke pretenduar se Turqia po sfidon sovranitetin e saj mbi ishujt në lindje të Detit Egje dhe po ndjek një politikë armiqësore që po destabilizon rajonin.
“Greqia i bën thirrje Turqisë që të angazhohet për zgjidhjen paqësore të kësaj mosmarrëveshjeje”, thuhet në letrën e përgatitur nga Ministria e Jashtme greke.
Gjatë vizitës në Jeruzalem një ditë më parë, ministri i Jashtëm turk Mevlüt Çavuşoğlu u shpreh se Greqia duhet të tërheqë ushtrinë e saj nga ishujt e Egjeut ose Turqia do të marrë masa duke shtuar se Ankaraja është e përgatitur të sfidojë sovranitetin e tyre.
Të dyja shtetet kanë pasur mosmarrëveshje për dekada mbi kufijtë detarë, por tensionet u rritën në vitin 2020 pas intensifikimit të kërkimeve për naftë dhe gaz në Mesdheun lindor.
LEXONI GJITHASHTU