Greta Thunberg lundron drejt Spanjës për Samitin e Klimës

Greta Thunberg është nisur dje me anije nga Amerika, pasi nuk ka pranuar të udhëtojë me avion, për të shkuar në Samitin e Klimës që zhvillohet në Madrid më 2 dhjetor.

Në bordin e katamaranit prej afro 14 metra të gjatë, ndodhen edhe Riley Whitlum me Elayna Carausu, dy vlogere të famshme nga Australia.

Së bashku, ato janë nisur nga porti i Hempton në Virxhinia për të udhëtuar më pas drejt Spanjës.

Kjo nuk është hera e pare që 16-vjeçarja lundron përtej Oqeanit Atlantik.

Në gusht, Greta lundroi nga Suedia drejt SHBA-ve, ku mbajti fjalimin e saj tek Kombet e Bashkuara.

Fillimisht, plani ishte për të qëndruar në Amerikë pasi Samiti zhvillohej në Santiago të Kilit.

Por, për shkak të trazirave në Kili, u vendos që Samiti të mbahej në Madrid.

E shoqëruar nga Nikki Henderson, një eksperte e lundrimeve me jaht, Greta do jetë pjesëtarja më e rë e “La Vagabonde” për javët në vijim.

Ajo ndodhet në shoqëri të mirë pasi Henderson ishte vetëm 25 vjeç kur mori titullin si kapitenia më e re në garën ndërkombëtare të jahteve Clipper Round të zhvilluar vitin e shkuar

Riley dhe Elayna janë shprehur se janë krenare që do të shoqërojnë Gretën duke e quajtur një “vendim I ardhur vetvetiu për të zhvendosur shtëpinë tonë në anën tjetër të oqeanit.”

Ato janë vlogeret më të famshme në Youtube dhe kanë mbi një milion abonues në kanalin e tyre.

La Vagabonde plotëson të gjithë kushtet për tu qenë shtëpia e Gretës në javët në vijim.

Së pari, jahti nuk le pas gjurmë karboni pasi fuqizohet nëpërmjet paneleve diellorë dhe hidro-gjeneratorëve.

Katamarani ka edhe një tualet funksional.

Qëllimi është që Greta atë arrijë në kohë në Spanjë për Samitin e Klimës.