“Bisedë konstruktive”, Grida Duma flet pas mbledhjes së Grupit Parlamentar të PD-së

Deputetja e Partisë Demokratike ka dhënë një deklaratë për mediat pas daljes nga mbledhja e Grupit Parlamentar të kësaj force poltike.

Duma tha fryma e bisedës ka qenë e paqtë dhe konstruktive nga të dyja palët, ndërsa e ka quajtur lajm të mirë faktin që dy palët brenda PD-së kanë nisur diskutimet për primaret.

“Mendoj se ka shumë gjasa, unë nuk dua të flasë më si palë, fryma e bisedës ka qenë krejtësisht e paqtë dhe konstruktive nga të dyja palët që kanë përfaqësuar këtë tryezë. Fryma me të cilën lashë mbledhjen është e sinqertë. Mënyra se si do të shkohet drejt këtyre primareve është duke u diskutuar në çdo moment. Fakti që kanë nisur diskutimet unë e quaj një lajm të mirë. Fryma është për të gjetur të gjitha elementët që mund të na çojnë drejt  bashkimit”- tha Duma.

Më tej deputetja theksoi se e rëndësishme është që diskutimet e Grupit Parlamentar të PD, të çojnë në krijimin e një bashkësie të vetme.

“Sot nuk është diskutimi se çfarë bën Grupi Parlamentar i PD-së, por nëse ajo që bënë me veten Grupi Parlamentar çon në shkrirjen dhe në krijimin e të njëjtës bashkësi jo formale por reale në strukturat e PD-së.

Unë personalisht do të jem për primaret dhe për primaret e thella.  Sesa thellë primaret do të maksimmizojnë  varet nga ne se cilat mekanizmi do të përdorim. Listat duhet të jenë gjithëpërfshirëse”- theksoi Duma.

Sakaq, mbledhja e Grupit Parlamentar vijon, ndërsa Duma u largua per shkak te agjendës së saj personale

LEXONI GJITHASHTU:

• Oketa për takimin Bardhi-Paloka: Ngjasonte sikur do bënin pazare individuale
• Parlamenti i Estonisë njeh Rusinë si sponsor shtetëror të terrorizmit