Habit eksperti Sinani: Një vezë e zierë reziston deri në 30 ditë

Abdyl Sinani, ekspert i sigurisë ushqimore tha në emisionin Good Morning Albanians në Euronews Albania një vezë e zierë mund të konsumohet deri në 30 ditë.

Sinani shpjegoi se veza duhet të gatuhet shumë mirë dhe nuk duhet konsumuar e gjallë pasi bllokon biotinën.

E verdha e vezës sipas ekspertit, ka më shumë përmbajtje të vitaminave dhe aminoacideve, por e bardha i ka në vlera më të larta ushqimore.

“Një vezë e zierë mund të rezistojë deri në 30 ditë. E verdha e vezës ka më shumë përmbajtje të vitaminave dhe aminoacideve. E bardha i ka në sasi më të vogla, por në vlera më të larta ushqimore, ka tiaminë dhe metionën, aminoacide shumë të rëndësishme për muskujt”, tha eksperti.

LEXONI GJITHASHTU:

• Eksperti ushqimor: Kujdes nga salmonela, lajini vezët e fshatit para përdorimit
• Hani 1 deri në 2 vezë të ziera në ditë, ja përfitimet