Hakerët misteriozë ‘Robin Hood’ dhurojnë para të vjedhura

Një grup hakerësh i quajtur ‘Darkside’ kanë zhvatur miliona dollarë nga kompani të ndryshme.

Ata kanë bërë me dije se paratë e vjedhura do t’i dhurojnë për bamirësi dhe synojnë të bëjnë botën një vend më të mirë.

Në një postim në web-in e tyre hakerat postuan faturat e dhurimeve prej 10,000$ në Bitcoin për dy organizata bamirësie.

‘Children International Receipt’ dhe ‘The Water Project Receipt’ janë dy organizatat e bamirësisë të cilave ju është bërë dhurimi. Organizatat janë bërë publike nga vetë grupi i hakerëve që ka postuar faturat e transaksioneve.

‘Children International Receipt’ nuk e ka pranuar bamirësinë e tyre duke sqaruar se nuk mund të pranojnë para të cilat janë të vjedhura.

“Ne mendojmë se është e drejtë që disa nga paratë e kompanive të shkojnë për bamirësi. Pavarësisht sa keq mendoni për punën tonë, ne jemi të kënaqur që ndihmuam të ndryshojmë jetën e dikujt”,- thuhet në deklaratën e bërë nga grupi i piratëve kibernetik.