Haliti: Krerët e UÇK në Hagë po trajtohen mirë, komunikojnë përditë me familjen

Kosova ka nisur që prej ditës së diel manifestimet tre ditore në përkujtim të 25 vjetorit të betejës së Prekazit e cila shënoi edhe fillimin e luftës gati dyvjeçare mes Ushtrisë Çlirimtare të Kosovës dhe forcave serbe, që mori fund në qershor të vitit 1999 me ndërhyrjen e NATO-s.

Për 25-vjetorin e epopesë së UÇK-së janë mbajtur disa aktivitete ndër to edhe një seancë solemne në kuvendin e Kosovës.

Xhavit Haliti, ish-pjesëtar i Ushtrisë Çlirimtare të Kosovës, aktualisht nënkryetar i Partisë Demokratike të Kosovës tha në një intervistë për Euronews Albania se krerët e UÇK në Hagë po trajtohen shumë mirë dhe lejohen të komunikojnë përditë me familjet e tyre.

“Është një problem shumë i madh se akoma nuk janë zbardhur publikisht të gjitha akuzat, nuk mund të themi nëse kanë apo jo argumente, por besoj se do dalin të pafajshëm. Ata trajtohen shumë mirë, për kushtet e një burgu, pasi ne jemi mësuar me burgjet e ish-Jugosllavisë. Kanë vizita të përditshme, u është mundësuar komunikimi me familjet përditë”, tha Haliti.

LEXONI GJITHASHTU:

• Vëllai i Adem Jasharit në Kuvend: Bashkohuni, të ndahemi përgjithmonë nga Serbia
• 25-vjetori i epopesë së UÇK-së, liderët e Kosovës përkujtojnë familjen Jashari