Hamasi bën bilancin: Mbi 14 mijë viktima nga lufta në Gaza, 5840 prej tyre fëmijë

Qeveria e Gazës që drejtohet nga Hamasi, ka bërë sot përditësimin e ri të numrit të viktimave palestineze, të pretenduara.

Sipas BBC, qeveria e Gazës bën me dije se numri i viktimave në territorin palestinez është 14,128.

Po ashtu sipas të njëjtave burime, mësohet se në mesin e të vdekurve janë edhe 5,840 fëmijë.

Kujtojmë se konflikti mes Izraelit dhe Hamasit u rihap, pas sulmit vdekjeprurës me mbi 1,400 viktima të organizuar nga këta të fundit.

Pas këtij sulmi, Izraeli nisi një ofensivë ushtarake në Gaza, me qëllim shpërbërjen përfundimtare të Hamasit, të cilën e cilëson si organizatë terroriste.

Shumë vende në botë e kanë cilësuar si shumë të ashpër ofensivën e Izraelit, duke thënë se sulmi i tyre ushtarak po shkakton shumë viktima civile.

LEXONI GJITHASHTU:

• Lufta në Gaza/ Izraeli: Kemi hapur korridor humanitar për ata që duan të largohen
• SHBA sulmon objektivat iraniane në Siri