Hamasi përsëriti kërkesën për armëpushimin në Gaza

Udhëheqësi de facto i Hamasit, Khalil al Hayya, ka përsëritur edhe një herë pretendimet e grupit se është i gatshëm të dorëzojë 15 pengjet e vdekura, por ka nevojë për më shumë kohë dhe pajisje të rënda, për të bërë të mundur nxjerrejn e tyre, të cilët ndodhen nën rrënoja.

Hayya tha se Hamasi dëshiron ta vazhdoj armëpushimin, në bazë të Planit të paqes.

“Ne të gjithë jemi të sigurt, të vendosur dhe të vendosur ta vazhdojmë këtë marrëveshje deri në fund të saj. Ne jemi të gatshëm të rikuperojmë dhe dorëzojmë të gjitha trupat e pengjeve sipas marrëveshjes, nuk kemi dëshirë të mbajmë askënd. Le të kthehen te të afërmit e tyre, dhe dëshmorët tanë do të kthehen gjithashtu dhe do të varrosen me dinjitet”, tha al Hayya.

Gjithashtu, ai tha se është e vështirë të arrish te trupat sepse disa janë nën tokë dhe poshtë ndërtesave.

Hamasi theksoi javën e kaluar se do të kërkonte makineri shtesë për të gjetur pengjet e mbetura.

Megjithatë, Izraeli argumenton se grupi mund t’i kthejë trupat e mbetur më shpejt nga sa pretendon. Në përgjigje, ka refuzuar të rrisë fluksin e ndihmës në nivelin e rënë dakord dhe ka mbajtur të mbyllur një pikë kyçe kufitare në Rafah.

LEXONI GJITHASHTU:

• Hamasi i dorëzon Izraelit trupin e pajetë të një pengu