Hamilton arrin fitoren e 9’të në Silverstone

Lewis Hamilton arriti një triumf të shumë pritur dhe theu një rekord me fitoren e 9’të në “British Grand Prix” që u transmetua në Euronews Albania dhe IN radio nga pista e Silverstone. Ndërkohë George Russell që u nis nga pole position zhvilloi një betejë të gjatë me Hamilton dhe binomin e McLaren, Norris-Piastri në kushte të paqëndrueshme të motit.

Kryesimi ndryshoi disa herë ashtu si gomat dhe situata në pistë pas startit të garës përpara tharjes së cirkuitit dhe hyrjes së Hamilton në bokse, 1 xhiro përpara Norris i cili pati një ndërrim të ngadaltë gomash që nuk e lejoi të kthehej i 1’ri në garë.

Ndërsa Russell u tërhoq për shkak të një difekti në sistemin e qarkullimit të ujit – Max Verstappen mori vendin e 2’të nga Norris në xhirot e fundit. Megjithatë Hamilton ruajti pozicionin dhe siguroi një fitore emocionale, e para prej “Saudi Arabian Grand Prix” në vitin 2021. E 104’ta në karrierë për podiumin e 199’të dhe e 9’ta në Silverstone, rekord për fitoret në një pistë të vetme në Formula 1.

Pavarësisht zgjedhjes për goma të forta dhe përmirësimit të ndjeshëm në fund, Verstappen nuk pati kohën e nevojshme dhe u mjaftua me vendin e 2 përpara Norris që kompletoi podiumin me vendin e 3’të. McLaren’i tjetër dhe Piastri u renditën të 4’it përpara Ferrari’t të Carlos Sainz dhe Nico Hulkenberg respektivisht në vendet 5 dhe 6. Gjithashtu një fundjavë e mirë për Aston Martin që me Lance Stroll dhe Fernando Alonso zuri vendet 7-8 ndërsa Alex Albon mori 2 pikë për Williams pas tyre.

Zonën e pikëve e plotësoi Yuki Tsunoda dhe RB. Një tjetër garë zhgënyese për Charles Leclerc i cili nuk e ruajti rekuperimin për shkak të ndërrimit më shpejtë se duhet të gomave të ndërmjetme. Sergio Perez nuk bëri dot më mirë se vendi i 17’të ndërsa e mbylli shpejt Pierre Gasly që mori një penalitet prej 50 vendesh për shkak të ndryshimit të motorrit. Gara e 13’të sezonale do të zhvillohet pas 2 javëve në Hungari.

Ky është klasifikimi zyrtar në përfundim të “British Grand Prix”:

1. Lewis Hamilton (Mercedes)
2. Max Verstappen (Red Bull)
3. Lando Norris (McLaren)
4. Oscar Piastri (McLaren)
5. Carlos Sainz (Ferrari)
6. Nico Hulkenberg (Haas)
7. Lance Stroll (Aston Martin)
8. Fernando Alonso (Aston Martin)
9. Alex Albon (Williams)
10. Yuki Tsunoda (RB)
11. Logan Ssargeant (Williams)
12. Kevin Magnussen (Haas)
13. Daniel Ricciardo (RB)
14. Charles Leclerc (Ferrari)
15. Valtteri Bottas (Sauber)
16. Esteban Ocon (Alpine)
17. Sergio Perez (Red Bull)
18. Zhou Guanyu (Sauber)
DNF. George Russell (Mercedes)
DNF. Pierre Gasly (Alpine)

Ky është klasifikimi i pilotëve në përfundim të “British Grand Prix”:

1. Max Verstappen 255 pikë
2. Lando Norris 171
3. Charles Leclerc 150
4. Carlos Sainz Jnr 146
5. Oscar Piastri 124
6. Sergio Perez 118
7. George Russell 111
8. Lewis Hamilton 110
9. Fernando Alonso 45
10. Lance Stroll 23
11. Nico Hulkenberg 22
12. Yuki Tsunoda 20
13. Daniel Ricciardo 11
14. Oliver Bearman 6
15. Pierre Gasly 6
16. Kevin Magnussen 5
17. Alexander Albon 4
18. Esteban Ocon 3
19. Zhou Guanyu 0
20. Logan Sargeant 0
21. Valtteri Bottas 0

Ky është klasifikimi i konstruktorëve në përfundim të “British Grand Prix”:
1. Red Bull 373 pikë
2. Ferrari 302
3. McLaren 295
4. Mercedes 221
5. Aston Martin 68
6. RB 31
7. Haas 27
8. Alpine 9
9. Williams 4
10. Sauber 0

LEXONI GJITHASHTU:

• Paqe në pistat e Formula 1
• Formula 1 starton sezonin evropian