“Hani byrek me mandarina”, Migena nga Korea zbulon ushqimet e preferuara në Shqipëri

Migena është një koreane e cila prej vitesh jeton në Shqipëri e prej 10 vitesh jeton në Paskuqan. Ajo është e angazhuar në një qendër për edukim ku bëhen mësime dhe aktivitete të ndryshme për fëmijë.

Migena ishte personazhi i kësaj jave në “Real People” ku ka rrëfyer se e la Korenë për Shqipërinë në vitin 1999 kur po ndodhte lufta e Kosovës. Ajo iu afrua një organizate jofitimprurëse në Kore dhe kështu ajo ka shkuar në Kukës ku ndodheshin refugjatët nga Kosova.

Ndër të tjerat Migena ndau edhe disa nga gjërat që i pëlqejnë më shumë në Shqipëri. Nga ushqimet e saj të preferuara ishin byrekët dhe mandarinat, të cilat i konsumonte së bashku.

“Unë ha byrek dhe pastaj mandarinë, në vend të dhallës. Është shije interesante. Byreku është i thatë, mandarina ka lëng. Është njësoj si të pish lëng portokalli. Unë ha edhe pica me mandarina. Gjërat me brum i shoqëroj me mandarinë. Ndonjë ditë do e provoj me fasule”,-tha Migena.

LEXONI GJITHASHTU:

• “Nuk dashurova asnjëherë një burrë” – Nënë Sabja rrëfehet në “Real People”
• Zjarrfikësi “veteran” për “Real People”: Ka të rinj që duan ta ushtrojnë profesionin