‘Hanim ushqimin e një jave’, rrëfimi i një jetimi në jetimoren e Shkodrës

Ardias Markati, i cili kaloi fëmijërinë në shtëpinë e fëmijës në Shkodër rrëfeu kalvarin e vuajtjeve me të cilin është përballur në këtë institucion.

Në emisionin Sot në Euronews Albania ai tregoi se ka shkuar në jetimoren e Shkodrës në moshën 5-vjecare pasi nëna nuk kishte mundësi ta mbante dhe ka qëndruar deri në moshën 16-vjeçare. Ardias rrëfeu mes emocionesh se është përballur me urinë dhe dhunën e pandalshme.

“Kisha shumë probleme, kisha shumë probleme me fytyrën time që helmohej përditë për shkak të dhunimeve të pandalshme. Pastaj erdhi shërbimi social që i futi në burg, por prapë nuk u bë drejtësi për ne”, tregoi i riu.

Ai tregoi se aktualisht është në punë, por nuk ka një strehë ku të fusë kokën, gjë për të cilën siç tha ka trokitur disa herë në bashkinë e Tiranës por nuk ka marrë asnjë ndihmë.

LEXONI GJITHASHTU:

• Rrëfimi i nënës: Fëmijët i mbaja në plastmasë, m’i morën dhe m’i çuan në jetimore
• ’17 muaj s’preka dorën e nënës’, rrëfimi i ish të dënuarit për torturat serbe