Haradinaj e Limaj bashkohen në koalicion parazgjedhor, disa nga pikat e paktit

Aleanca për Ardhmërinë e Kosovës (AAK) e drejtuar nga ish-kryeministri i Kosovës Ramush Haradinaj dhe Nisma Socialdemokrate e drejtuar nga Fatmir Limaj, kanë arritur një koalicion parazgjedhor gjatë ditës së sotme.

Sipas mediave të Kosovës, dy liderët e këtyre subjekteve politike e prezantuan marrëveshjen gjatë ditës së sotme.

Gazeta Express ka siguruar këtë marrëveshje në të cilat janë të shënuara pikat ku mbështetet koalicioni.

“Me qëllim që të mos lejojmë rrezikimin e pavarësisë së vitit 2008”, është një nga pikat. AAK dhe Nisma kritikojnë kryeministrin Albin Kurti që “po rrezikon pavarësinë”.

Po ashtu përmendet edhe orientimi i Kosovës për anëtarësim në NATO.

Përmendet edhe sfera të tjera të brendshme në Kosovë, arsimi, gjyqësori, decentralizimi, etj.

Pjesë e synimeve është krijimi i një fronti opozitar, ku pos partive politike do të përfshihen edhe shoqata që përfaqësojnë sfera të ndryshme në jetën shoqërore.

LEXONI GJITHASHTU:

• Kurti takim me O’Brien në Davos: Zyrtari i SHBA, vlerësim për progresin në Kosovë
• Shqipëria e Kosova bashkohen me hekurudhë, zbulohen qytetet që do lidhen përmes saj