Hasani: Mosshqyrtimi i kërkesës së Kosovës për anëtarësim në KiE, mundësi e humbur

Ministri i punëve të jashtme Igi Hasani ka reaguar me anë të një postimi në platformën X pas takimit me ministrat e jashtëm të këshillit të Evropës.

Ai e ka cilësuar një mundësi të humbur mosshqyrtimin e kërkesës së Kosovës për anëtarësim ditën e sotme ndërsa shtoi se qeveria e Kosovës duhet të veprojë me shpejtësi për të përmbushur zotimet që ka marrë.

“Dështimi për të vendosur për anëtarësimin e Kosovës në Ministarin e sotëm të @CoE është një mundësi e humbur historike për Kosovën që të ketë një vend të merituar në tryezë dhe një zë më të fortë në formësimin e një Evrope të bashkuar dhe demokratike.

Është e nevojshme që Qeveria e Kosovës të veprojë me shpejtësi për të përmbushur zotimet që ka marrë dhe të angazhohet në mënyrë konstruktive me partnerët dhe përkrahësit e saj të vendosur ndërkombëtarë. Kjo duhet të pasohet me përpjekje kolektive që në të ardhmen e afërt të mbahet një tjetër Komitet Ministrash. Të gjithë duhet të veprojmë me shpejtësi për të përmbushur atë që i kemi borxh popullit të Kosovës!”-shkruan Hasani në postimin e tij.

LEXONI GJITHASHTU:

• “Kosova s’është në garë me Shqipërinë”, analisti: Kurti po sillet si Serbia
• Qeveria e Kosovës dërgoi letër në KiE, Shtuni: Lëvizje e shpejtuar, krijon përçarje